![](https://vesnabooks.eu/wp-content/uploads/2022/05/280530324_10158955678028763_740104308057227077_n.jpg)
Mojše Kulbak. Ale lider un poemen. «Вясна», Прага, 2022
Мойшэ Кульбак. Усе вершы і паэмы. «Вясна», Прага, 2022
Юля Цімафеева. Воўчыя ягады. «Вясна», Прага, 2022
Альгерд Бахарэвіч. Вершы. «Вясна», Прага, 2022
У чацьвер, 12 траўня, у вельмі ўтульнай і атмасфэрнай праскай кнігарні-кавярні-вінатэцы «Božská lahvice» адбыліся адна за адной дзьве прэзэнтацыі нашых новых кніг.
Спачатку быў Кульбак. Выданьне поўнага збору паэзіі Мойшэ Кульбака ў арыгінале з паралельным беларускім перакладам прадставіў укладальнік Сяргей Шупа. Ён расказаў таксама пра традыцыі ідышу ў Беларусі і пра магчымасьці сымбалічнага вяртаньня гэтай мовы ў беларускую культірную прастору. Выкладчык ідышу Карлавага ўнівэрсытэту ў Празе Пэтр Ян Вінс расказаў пра гісторыю ідышу ў Празе. Як выявілася, сёньняшняя кніга «Ale lider un poemen» — першая кніга на ідышы, якая выйшла ў Празе пасьля 1744 году! Спадар Вінс прачытаў таксама некалькі вершаў Кульбака ў сваім перакладзе на чэскую мову. Сваімі ўражаньнямі пра творчасьць Кульбака і развагамі на актуальныя тэмы падзяліўся госьць прэзэнтацыі Альгерд Бахарэвіч. На прэзэнтацыі гучалі вершы Кульбака ў арыгінале, іх чытала рэдактарка кнігі Ася Фруман (адзін зь іх быў выкананы як песьня), свае пераклады агучваў Сяргей Шупа. Выступіла на прэзэнтацыі і дырэктарка выдавецтва Весна Вашко, яна ня толькі адкрыла імпрэзу, але і засьпявала некалькі сваіх песень на словы Кульбака.
Увечары таго самага дня перад слухачамі — пераважна праскімі беларусамі — выступілі аўтары новых паэтычных зборнікаў выдавецтва «Вясна» Юля Цімафеева і Альгерд Бахарэвіч, якія прыехалі на прэзэнтацыю з аўстрыйскага Грацу, дзе яны жывуць з восень 2020 году. Яны выступалі сольна, дуэтам, расказвалі, спрачаліся, успаміналі і, вядома ж, чыталі свае вершы. Пасьля чытаньня адбылася жывая размова са слухачамі-чытачамі, падчас якой закраналіся пытаньні беларускай кніжнай справы на эміграцыі.
Фота: Юля Цімафеева, Ганна Соўсь
![](https://vesnabooks.eu/wp-content/uploads/2022/05/280320500_10220861805510547_492253292556054951_n-1024x768.jpg)
![](https://vesnabooks.eu/wp-content/uploads/2022/05/280280981_10220861805790554_4672945799530639923_n-1024x768.jpg)
![](https://vesnabooks.eu/wp-content/uploads/2022/05/280133049_10221110878017410_990057485122069645_n-768x1024.jpg)
![](https://vesnabooks.eu/wp-content/uploads/2022/05/280376259_10220861806190564_7060486289008303254_n-1024x768.jpg)
Ася Фруман
![](https://vesnabooks.eu/wp-content/uploads/2022/05/280377993_10220861875872306_7320078237758677458_n-1024x768.jpg)
![](https://vesnabooks.eu/wp-content/uploads/2022/05/280528241_10221110878097412_4754321533190060297_n-1024x768.jpg)
Альгерд Бахарэвіч
![](https://vesnabooks.eu/wp-content/uploads/2022/05/280316144_10220861908673126_1560012567968325379_n-1024x768.jpg)
Альгерд Бахарэвіч
![](https://vesnabooks.eu/wp-content/uploads/2022/05/280158117_10221111193545298_6702677025368483768_n-768x1024.jpg)
Юля Цімафеева
![](https://vesnabooks.eu/wp-content/uploads/2022/05/280748761_10221111193465296_562783126705459150_n.jpg)
Юля Цімафеева